Пахвала вялікаму князю вітаўТУ



Скачать 35.37 Kb.
Дата15.12.2012
Размер35.37 Kb.
ТипДокументы
ПАХВАЛА ВЯЛІКАМУ КНЯЗЮ ВІТАЎТУ

Тайну цареву таити добро есть, а дела великаго господаря поведати добро жь есть. Хочю вам поведати о великом князи Александри1, зовемом Витовти, литовском и руском, иных многих земель господари. Но по ней же по писаному есть: "Братие, Бога бойтеся, а князя чтите". Такоже и аз хощю вам поведати о славном том господари, но не мощьно исповедати, ни писанию предати дела великого князя. Яко же бы мощно кому испытати высота небесная и глубина морская, тоже бы исповедати мощьно сила и храбрость того славного господаря. Сий князь велики Витовт, бяше ему держащи великое княжение Литовское и Руское, иныя многия земли, спроста реку вся Руская земля. Не токмо же Руская земля вся, но и еще жь господарь Угорьскои земли, зовемый цесарь римьски, у велицей любви живяще с ним. Таково ми ся увирило[1]. Неколи будущи тому славному господарю, бывши ему во своем граде, зовемый Луческ Велики2, и посла послы своя королю угорьскому, зовемому цесару римьскому, и повеле ему быти к собе. Он же без всякого ослушания въскоре приеха к нему и своею королицею, и честь велику и дары многи подаваше ему, и оттоле в них утвердися велика любов. Како не почюдимься чести великого господаря, еже которыи земли на восьтоце или на западе приходяще поклоняются славному господарю. Еже есть царь над всею землею, и той пришед поклонися славному господарю, великому князю Александру, зовемому Витовту. Еще же и турецкий царь честь велику и дары многи подаваше, славному господарю. Благоверному же и христолюбивому царю царигородьскому, и тому с ним во велицей любви живущи. Такожь и Ческое королевьство велику честь держащи над славным господаремь. И еще же и донскый король велику честь и дары многи подаваше славному господарю, великому князю Витовту. В та же лета брату его Ягайлу держащи стол Краковского кролевьства, по лядцькому языку тому зовему Владиславу, и тому с ним во велицей любви живущи. Коли славный господарь Витовт на которую землю гневен бываше и которую землю хотяше казнити, королю же Владиславу всегда дающи помощь. Еще же иныи цари усточнии служахуть ему. Такожь великий князь московскый3 во велицей любви живяше с ним. И еще же иные князи велиции немецькыи служахуть ему со всими городы своими и со землями. Ти же велиции князи немецкии, по немецькому языку зовемыя мистрове. Еще же господарь земли Мольдавскои и Босарабъския, по власкому языку зовемыя воеводы, такожь осподарь той земли Болгарской, по болгарскому языку завемыя деспоты, и еще жь иныи велиции князи, великий князь тферьский и великий князь резанскый, и великий князь одоевьскый, и Велики Новгород, и Великий Псков, спроста реку, иже не обретеся во всемь Помории ни град, ни место, иже бы не прислухали славнаго того господаря Витовта.
Тии же велиции господари, велиции земли, велиции князи, еще же писахом зде, иныи во велицей любви живущи с ним, а инии крепко служахуть ему, славному господарю, и честь велику и дары  великии, и дани многи приносяхуть ему не токмо по вся лета, но и по вся дни. Коли славный господарь, великый князь Александро, зовемый Витовт, на которую землю бываше гневен и которую землю хотяше самь казнити или пакы силных своих воевод послати где восхощеть, и которому от тех великых земель повелеваше к собе быти, и они без всякого ослушания воськоре прихожаху к нему и со своея земли. И коему господарю за которую нужу немощьно быти, и он всю свою рать и силу посылаше на помощь и на его службу. Сий же великый князь Александро, зовемый Витовт, во великой чести и славе пребываше. Бяше ему неколко от своих городов во велицем граде Киеве нарицаемем, и прислашеся к нему велиции ординьскыи князи, полецаяся ему под великую службу и просяще у него царя на царьство. Много бяше бо ординьскых великых царей служаху во дворе его; он же дал имь царя, именемь Салтана4. Оному же царю, иже бе на Орде, слышав, яко славны господар отпустил своего слугу на царьство, никако же не сме сопротивитися со славным господарем, остави царьство и побеже. Сему же Солтану дошедши Орды и сяде на царьство повелением великого осподаря, зовемого Витовта, и служаше с великою боязнию славному господарю. Не по мнозе времени согна за живот[2]. Иным же старейшинам ординскым послаша послы своя с великими дарми ко славному господарю и просися у него иного царя; он же дал имь иного царя, именемь Малого Солтана. Сему же Малому Солтану шедшю на царьство некако же не сме ослушатися славного господаря: кде коли ему повелить, и он ту тогда кочюеть. И по мале времени тому минувши велиции же цари ординьскии никако же не сьмеяше розгневати славного осподара, великого князя Витовта, дабы не от его руки поставити имь царя, и послаша с великою честию и просиша у него царя. Он же да имь иного царя, именемь Давлад-Бердия. Яко же река пресходящи всю землю, человеческыи скоты напояющи, а сама не вмалящися, такожь и славны господарь и множество царей отпущаеть на Орду, а в него большало царей. И мы же на первореченое возвратимься. Царю сему Давлад-Бердию немного время побывши и тому мимо шедшю. Симь же старейшинам ординским, слышавшим, яко славный господарь близ есть, во прежьдереченом граде Киеви, и приидоша сами, и поклонишася ему, славному осподару, великому князю Витовту, и дары многи принесоша, и просять у него царя, он же дал имь царя именемь Магмета. Яко же бо от моря множество вод исходящи, тако и от сего мудрость великаго господаря, князя великаго Витовта.


[1] У гэтым я ўпэўніўся, пераканаўся

[2] памёр

Похожие:

Пахвала вялікаму князю вітаўТУ iconК какому князю относится первое упоминание о Москве
Раздробленность – это закономерный или неизбежный процесс в развитии всех средневековых государств?
Пахвала вялікаму князю вітаўТУ iconМартин Лютер «О светской власти»
Пресветлейшему, благородному князю и властителю, господину Иоганну, герцогу Саксонскому, ландграфу Тюрингскому и маркграфу Мейсенскому,...
Пахвала вялікаму князю вітаўТУ iconВеликий князь вернулся в Тверь
...
Пахвала вялікаму князю вітаўТУ iconДинастия Романовых и Костромской край в школьном курсе Отечественной истории
«Похвала царю государю и великому князю Михаилу Федоровичу Романову, Костроме-городу и монастырю Ипатскому»
Пахвала вялікаму князю вітаўТУ iconГосподи воззвах, поставим стихов 4, и поем стихиры, глас Подобен: Небесных чинов: Д
Служба святому равноапостольному великому князю Владимиру, нареченному во святом крещении Василию
Пахвала вялікаму князю вітаўТУ iconУрок-экскурсия по Белгороду «Решение текстовых задач»
...
Пахвала вялікаму князю вітаўТУ iconПланирование курса литературы в 7 классе по программе под ред. В. Я. Коровиной (2 часа в неделю)
Читайте не торопясь”. (Судьба книги. “Из похвалы князю Ярославу и книгам”. Книга в жизни писателей.)
Пахвала вялікаму князю вітаўТУ iconЗанятие по теме: «Русское воинство: святой князь Александр Невский»
Основную тему первого урока днв с мальчиками 5-го класса я решила посвятить св князю Александру Невскому. И вот почему
Пахвала вялікаму князю вітаўТУ iconЛев Ашотович Балаян сталин
«влиятельному чиновнику при царе», «зажиточному князю», (Антонов-Овсеенко А. В. Сталин и его время// Вопросы истории. 1989. №7),...
Пахвала вялікаму князю вітаўТУ icon«Москва третий Рим»
Псковского Елизарова монастыря Филофея великому князю Московскому Василию III ивановичу. Эта версия прочно утвердилась в массовом...
Разместите кнопку на своём сайте:
ru.convdocs.org


База данных защищена авторским правом ©ru.convdocs.org 2016
обратиться к администрации
ru.convdocs.org